विसाका इंडस्ट्रीजच्या एटीयूएम सौरछताला वीस वर्षाकरिता पेटंट प्रदान इको फ्रेंडली वीजनिर्मिती करणाऱ्या जगातील पहिल्या एकात्मिक सौरछताची निर्मिती
अनंतकुमार गवई
नवी मुंबई
एटीयूएम अविष्कार म्हणजे वीजनिर्मितीसाठीचे जगातील पहिले सोलर छत असून या संकल्पनेवर मी 2016 पासून संशोधन करत होतो. आम्ही मार्च 2017 मध्ये पेटंटसाठी अर्ज सादर केला. तेथे यासारख्याच जागतिक पेटंटबाबतचे दावे खोडून काढत आम्ही तयार केलेल्या एटीयूएमचे वैशिष्टे स्पष्ट केली. आजच्या घडीला सोलर उद्योगासाठी आपल्याकडे खऱ्या अर्थाने हे मेड इन इंडिया उत्पादन आहे. एकात्मिक एटीयूएम सोलर छतासाठी पेटंट प्राप्त झाल्याबद्दल मी अतिशय आनंदी आहे. एटीयूएम हे जगातील पहिले छत वीजनिर्मिती करणारे इको-फ्रेंडली उत्पादन असून नवनवीन निर्मिती तसेच सातत्यपुर्ण व हरीत तंत्रज्ञानावर लक्ष केंद्रीत करण्याच्या आमच्या दृष्टीकोनास पाठबळ देते तसेच भारताला आत्मनिर्भर बनविन्या साठी असल्याचे विसाका इंडस्ट्रीज लिमिटेडचे सहव्यवस्थापकीय संचालक वामसी गड्डम यांनी पत्रकारांशी बोलतांना सांगितलं
साधारण 15 वर्षाचे आयुष्य असलेल्या पांरपारिक रुफटॉपच्या तुलनेत एटीयूएम सोलर छताला तब्बल तीस वर्षाचे आयुष्य आहे. भारतात चेन्नई (तमिळनाडू), मुंबई ( महाराष्ट्र) आणि हैदराबाद ( तेलंगणा) सह अनेक शहरात एटीयूएम सोलर छत वीजनिर्मितीसाठी यशस्वीरित्या बसविण्यात आलेले आहे.
एटीयूएम सौरछत निर्मितीच्या तंत्रज्ञानासाठी विसाका इंडस्ट्रीज लिमिटेडला वीस वर्षासाठी पेटंट प्रदान करण्यात आले. इको फेंड्रली पध्दतीने वीजनिर्मिती छतासाठी हे पेटंट प्रामुख्याने मिळाले आहे. एटीयूएम हे आगऴेवेगळ्या प्रकारचे छत असून ते वीजनिर्मिती करते. पुर्णपणे एकात्मिक आणि निरंतर कार्यरत राहणारे हे सोलर छत पॉली अथवा मोनो क्रिस्टलाईन सोलर सेलपासून बनविण्यात आलेले आहे. या छताला सिमेंट बोर्डची जोड असल्याने ते अतिशय टिकाऊ बनले असून थेट छत म्हणून वापरता येणारे जगातील पहिले सोलर पॅनेल ठरले आहे.
विसाकाने या सोलर पॅनेलसाठी विकसित केलेल्या एटीयूएम तंत्रज्ञानाला इंटरनॅशनल इलेक्ट्रोकेमिकल कमिशनच्या निकषांनुसार आंतरराष्ट्रीय पातळीवरील यूएल प्रमाणपत्र देण्यात आलेले आहे. एटीयूएमला कॅम्बेल कॉर्पोरेशननेसुध्दा प्रमाणपत्र दिलेले आहे. हे छत प्रतिचौरस फूटावर 780 पौंड वजन तर हिवाळ्यात 2200 पौंडएलबीएस वजनाचे बर्फ पेलू शकते. एवढेच नव्हे तर छत एकमेकांना जोडण्याची पध्दतही लीकप्रूफ असून जोडपध्दतीलाही अमेरिकन सोसायटी फॉर टेस्टिंग अॅण्ड मटेरियलच्या निकषांनुसार पेटंट देण्यात आलेले आहे. या सोलर छताला आगप्रतिबंधाबाबत क्लास ए रेटींग देण्यात आलेले असून दीडशे किलोमीटर वेगाने वाहणाऱ्या वाऱ्यासमोरही टिकाव धरत असल्याने वादळातही ते टिकू शकते. एटीयूएमसाठी ग्रीन प्रो प्रमाणित साहित्य वापरण्यात आल्याने ते दर्जेदार, टिकाऊ, विश्वासू आणि सुरक्षित सौरछत बनले आहे.
बाजारात सध्या उपलब्ध असलेल्या सोलर टाईल्सला बसविण्यासाठी खालून जशी सहाऱ्याची गरज असते तशी एटीयूएम छताला अजिबात नाही. मुळात ते परिपुर्ण असे सोलर छत आहे. छताच्या यांत्रिक वैशिष्टांमुळे ते अन्य टाईल्स, शाईन्गल्स अथवा पारंपारिक पॅनेल्सपेक्षा अधिक दर्जेदार आहे. पारंपारिक सोलर छतांच्या तुलनेत एटीयूएम छतात उपलब्ध क्षेत्रफळात 20 ते 40 टक्के अधिक वीजनिर्मितीची क्षमता असल्याने आपल्या घराच्या छताच्या क्षेत्रफळाचा पुरेपुर वापर करत सोलर वीजनिर्मितीसाठी उत्तम असा पर्याय ठरला आहे. पारंपारिक सोलर छतांच्या तुलनेत एटीयूएम छत 20 ते 40 टक्के अधिक वीजनिर्मिती करते. एटीयूएमची डिझाईन आकर्षक असून ते अतिरिक्त क्षेत्रफळ मिळवून देते. तर पारंपारिक छतांमध्ये ते मिळत नाही. त्यामुळे चारपेक्षा कमी वर्षात एटीयूएमवरील गुंतवणूकीचा खर्च ( आरओआय) वसूल होत असल्याने या छतातीत गुंतवणूक अधिक आकर्षक ठरते. परिणामी चारपेक्षा कमी वर्षात ग्राहकांचा खर्च वसूल होत असल्याने पुढील 25 वर्षभर त्यांना मोफत वीजेचा आनंद मिळणार असल्याचे विसाका इंडस्ट्रीज लिमिटेडचे सहव्यवस्थापकीय संचालक वामसी गड्डम यांनी सांगितलं.
