मुख्यमंत्री उद्धव ठाकरे यांच्याकडून मंत्रालय व विधिमंडळ वार्ताहर संघाच्या नूतन कार्यकारिणीला शुभेच्छा
पत्रकार संघाच्या कार्यकारिणीने घेतली वर्षा निवासस्थानी भेट
मुंबई, दि. 25 : मंत्रालय आणि विधिमंडळ वार्ताहर संघाच्या नूतन कार्यकारिणीचे मुख्यमंत्री उद्धव ठाकरे अभिनंदन करून त्यांना शुभेच्छा दिल्या.
वर्षा या शासकीय निवासस्थानी कार्यकारिणीच्या पदाधिकाऱ्यांनी मुख्यमंत्री श्री.ठाकरे यांची भेट घेतली. यावेळी मुख्यमंत्री श्री.ठाकरे यांनी वार्ताहर संघाच्या कार्यकारिणीचे अध्यक्ष मंदार पारकर, उपाध्यक्ष श्री.पावसकर यांच्यासह कार्यवाह प्रमोद डोईफोडे, कोषाध्यक्ष नेहा पुरव, सदस्य हरिसिंह राजपुरोहित, अशोक अडसूळ, सोनू श्रीवास्तव, राजू झनके, मिलिंद लिमये यांचे पुष्पगुच्छ देऊन अभिनंदन केले, तसेच शुभेच्छाही दिल्या.
पत्रकार संघाच्यावतीने पत्रकारांच्या विविध मागण्यांसदर्भात निवेदनही देण्यात आले. निवेदनातील मागण्यांबाबत कार्यवाहीचे निर्देशही मुख्यमंत्री श्री.ठाकरे यांनी दिले. तसेच त्यांनी या पदाधिकारी आणि सदस्यांशी विविध विषयांवर संवादही साधला.
याप्रसंगी मुख्यमंत्र्यांचे प्रधान सचिव विकास खारगे, सचिव आबासाहेब जऱ्हाड, माहिती व जनसंपर्क महासंचालनालयाचे संचालक (वृत्त व जनसंपर्क) गणेश रामदासी, मुख्यमंत्र्याचे जनसंपर्क अधिकारी अनिरुद्ध अष्टपुत्रे आदी उपस्थित होते.
